Մեծացող սերնդի մոտ ի հայտ է եկել նոր հիվանդություն, որը բրիտանացի գիտնականներն անվանել են «համակարգչային կուզ»: GlobalScience.ru-ի փոխանցմամբ, այն առաջանում է համակարգչով, նոթբուքով, պլանշետով կամ հեռախոսով մշտապես (օրական չորս ժամից ավել) աշխատելու պատճառով: Երկար նստելու արդյունքում դեռահասների մոտ լրջորեն վնասվում է կեցվածքը, մարմնի կառուցվածքը, ինչն էլ բերում է մեջքի ցավ և կուզի առաջացում:

Բրիտանացի մասնագետի խոսքով, երիտասարդների շրջանում դիտվում է իսկական վարակ. նման ախտորոշում է տրվում գրեթե ամեն շաբաթ:

Դպրոցականների ծնողներն այդ հիվանդությունը կարող են հեշտորեն կանխել՝ սահմանափակելով համակարգչով կամ բջջային հեռախոսով աշխատելը, քանի որ «համակարգչային կուզը» բուժելն արդեն ավելի բարդ է: