Նույնիսկ մարմնի զանգվածի նորմալ ցուցանիշը չի կարող երաշխավորել առողջական խնդիրների բացակայությունը: Այս մասին հաղորդում է Росбалт.ru-ն` հղում կատարելով The Times of India-ին:

Մասնագետների ուսումնասիրության արդյունքների համաձայն՝ եթե մարդկանց մարմնի զանգվածը նորմայից բարձր է, ապա մեծանում է տարածված` շնչառական, սիրտ-անոթային և քաղցկեղային հիվանդությունների ռիսկային գործոնը:

Գիտնականները վերլուծել են աշխարհի տարբեր հատվածներից ավելի քան 600 հազար մարդու տվյալներ: Պարզվել է, որ այն տղամարդկանց մոտ, որոնց գոտկատեղի տրամագծը 100 սմ և ավել է, մահացության ռիսկը հասնում է 50%-ի, ինչն էլ 40 տարեկանից հետո հանգեցնում է կյանքի տևողության նվազմանը:

Կանանց մոտ գոտկատեղի 93 սմ տրամագիծը մահացության ռիսկային գործոնը մեծացնում է 80%-ով, ինչն էլ կրճատում է կանանց կյանքի տևողությունը 5 տարով:

Այսպիսով՝ յուրաքանչյուր 5 սանտիմետրը տղամարդկանց մոտ մահացության ռիսկային գործոնը բարձրացնում է 7%-ով, իսկ կանանց մոտ 9%-ով: