Այսպես կոչված «երրորդական» ծխախոտի ծուխը, որը մնում է կահույքի մեջ, կարող է նպաստել մարդկանց մոտ քաղցկեղի առաջացմանը` արտադրվող NNA նյութի պատճառով: Վերջինս միանալով մարդու ԴՆԹ-ին անդառնալի փոփոխությունների է բերում: Այս մասին հայտարարել են Ամերիկյան քիմիական ընկերակցության բժիշկները Դալլասում կայացած ամենամյա ժողովի ժամանակ:

«ՌԻԱ Նովոստիի» հաղորդմամբ, «երրորդական» ծխախոտի ծուխ հասկացությունը լավագույն փաստարկն է, ըստ մասնագետների, որ ծխելը լիարժեքորեն արգելվի փակ տարածքներում:

«Այդուհանդերձ մենք դեռ պետք է երկարամյա փորձարկումներ կատարենք, կրկին անգամ ստուգելու թեորիան, որը կօգնի մեզ ապացուցել, որ NNA-ն իսկապես մարդկանց մոտ քաղցկեղ է առաջացնում, եթե նրանք մշտապես ու երկարատև կոնտակտի մեջ են գտնվում այդ «ծխի» հետ»,- հայտարարել է ԱՄՆ-ի Լուրենս Բերքլիի անվան ազգային լաբորատորիայի ներկայացուցիչը:
Աղբյուր` Panorama.am