Քուեսլանդի տեխնիկական համալսարանն զգուշացնում է, որ հղի կնոջ՝ հաճախակի արևային լոգանք ընդունելը կարող է պտղի առողջական խնդիրների պատճառ դառնալ: Այս մասին հաղորդում է Meddaily-ն` հղում կատարելով ABC News-ին:

Համալսարանի անցկացրած ուսումնասիրությունների արդյունքում հետազոտվել է 45 հղի կին, պարզվել է, որ պարբերաբար արևի տակ գտնվող հղիների մոտ 20%-ով նվազում է ֆոլաթթվի աղի մակարդակը:

Ինչպես հայտնի է՝ հղի կանանց մոտ ֆոլաթթվի անբավարարությունը հանգեցնում է երեխայի նեյրոնային խողովակի արատների, այդ թվում նաև՝ ողնաշարի խանգարման, մարմնի դեֆորմացիայի: Ֆոլաթթվի աղի դեֆիցիտը կարող է նաև վիժման պատճառ դառնալ:

Պրոֆեսոր Մայքլ Կիմլին չի բացառում, որ եզրակացությունները վերաբերում են միայն արևադարձային գոտիներում բնակվող կանանց: Նա պատրասվում է ավելի մասշտաբային հետազոտության անցկացնել: