Բժիշկները շուտով հնարավորություն կունենան ախտորոշել հիվանդությունները՝ հիվանդի երակներով անցկացնելով օպտիկական մանրաթել, որը կունենա մազի հաստություն։

Ինչպես նշում է Daily Mail-ը, մանրաթելերն օգտագործում են նոր սերնդի քիմիական զգայակներ։ Բացի այդ, դրանց կիրառումն ախտորոշման գործընթացում զգալի կնվազեցնի բուժզննության համար նախատեսված ծախսերը։

Մանրաթելերի միջոցով հնարավոր կլինի լաբորատոր թանկ սարքավորումների փոխարեն անմիջապես արյան մեջ ստուգել խոլեստերինի քանակն ու տարատեսակ վարակների առկայությունը։

Բացի այդ, մանրաթելերի միջոցով հիվանդության ախտորոշումը թույլ կտա հիվանդին օրերով ու շաբաթներով չսպասել պատասխանների։