Եթե կնոջ մոտ առկա է քաղցկեղածին գենը (BRCA1 գենի մուտացիա), ապա նա բախվում է կրծքագեղձի և ձվարանների հեռացման խնդրին: Այս մասին հաղորդում է Meddaily-ն՝ հղում կատարելով The Daily Mail-ին:

Սակայն Բելֆեստի թագավորական համալսարանի գիտնականները փաստում են, որ շուկայում կան այնպիսի դեղամիջոցներ, որոնք չնայած գենետիկային՝ նվազեցնում են քաղցկեղի զարգացման վտանգը:

Գենետիկ մուտացիան 85%-ով մեծացնում է կրծքի և 40%-ով՝ ձվարանների քաղցկեղի առաջացման վտանգը: Գիտնականներն առաջարկում են նվազեցնել քաղցկեղի ռիսկը էստրոգենի կոնցենտրացիան կրճատող դեղամիջոցների շնորհիվ:

Էստրոգենի կոնցենտրացիայի և քաղցկեղի պատճառ հանդիսացող՝ վնասված ԴՆԹ-ների միջև ուղիղ կապ կա: Կանանց բջիջները BRCA1-ի մուտացիայի ժամանակ չեն կարողանում հաղթահարել կրծքի և ձվարանների հյուսվածքնեում առկա էստրոգենի բարձր կոնցենտրացիան:

Հորմոնային ֆոնի վրա ազդող դեղամիջոցները կարող են կիրառվել որպես քաղցկեղի բուժման այլընտրանքային մեթոդ:

Այժմ գիտնականները պատրաստվում են Կլինիկական փորձարկումների անցակացմանը:
tert.am