Մարտի 29-30-ը, Աղվերանի «ՊԱՐԿ ՌԵԶՈՐԹ ԱՂՎԵՐԱՆ» հանգստյան տանը կայացավ դեղագործության ոլորտի ներկայացուցիչների «Առանց փողկապների» 5-րդ հանդիպումը։ Արդեն ավանդական դարձած հանդիպմանը այս տարի ևս ներկա են գտնվել Հայաստանի դեղագործության ոլորտի ավելի քան 40 կազմակերպություններ, տեղական արտադրողներ, արտասահմանյան դեղագործական ընկերությունների հայաստանյան ներկայացուցչությունների, ներմուծող ընկերությունների ղեկավարներ, պետական ոլորտի պաշտոնյաներ, փորձագետներ ։

Միջոցառմանը ողջույնի խոսքով հանդես եկավ ՀՀ Առողջապահության նախարար Դերենիկ Դումանյանը ։

Միջոցառման առաջին օրը մարտի 29-ին քննարկվեցին Դեղագործության ոլորտի օրենսդրական բարեփոխումների, «Դեղերի մասին» նոր օրենքի, ինչպես նաև դեղերի գրանցման, ներմուծման և արտահանման, գովազդման վերաբերյալ այլ օրենսդրական նախաձեռնություններ։

Քննարկման առարկա դառձան նաև «Դեղերի մասին» նոր օրենքի նախագիծը։ Վեջինիս նպատակն է տեղական դեղարտադրությունը համապատասխանեցնել եվրոպական ստանդարտներին և բարելավել հայկական դեղերի որակը։ Ակնկալվում է, որ նոր օրենքը կնպաստի հայկական արտադրողների մրցունակությանը և մասնաբաժնի ընդլայնմանը ինչպես տեղական, այնպես էլ համաշխարհային շուկայում։

Ոլորտի քննարկմանն է ներկայացվել նաև ՀՀ դեղագործական ոլորտի մարկետինգային էթիկայի կանոնագրքի նախագծը, որի նպատակն է կարգավորել միջազգային դեղարտադրող կազմակերպությունների աշխատանքային կանոնները ՀՀ շուկայում, ներդնել գովազդային քաղաքականության նոր կանոնները, ընդունել մարկետինգային էթիկայի համընդհանուր կանոնները։

Մարտի 30-ին մասնակիցները անդրադառձան մաքսային և հարկային բարեփոխումներին, 2014թ. պետական աջակցության ծրագրի շրջանակներում դեղագործական ոլորտին աջակցության գործիքակազմին։

Արտահանմանն ուղղված արդյունաբերական քաղաքականության գերակա ճյուղ հանդիսացող Դեղագործության/Բիոտեխնոլոգիաների ոլորտի 2012-2015թթ ռազմավարության շրջանակներում իրականացված աշխատանքները և նախատեսվող քայլերը։

Միջոցառման ընթացքում քննարկվել են ՊԱԳ չափանիշների ապահովման նպատակով ընկերությունների կողմից իրականացվելիք գործողությունների ժամանակացույցը և ընթացակարգը, ինչը նրանց հնարավորություն կընձեռի մեծացնել վաճառքի ծավալները, դառնալ ավելի մրցունակ համաշխարհային շուկայում։

Հայաստանի Դեղ արտադրողների և ներմուծողների միությունը (ԴԱՆ Միություն) հիմնադրվել է 2003թ. և միավորում է Հայաստանի դեղագործության ոլորտի 23 առաջատար ընկերություններին։ Միության առաքելությունն է՝ տեղական ընկերություններին ինտեգրել միջազգային դեղագործական շուկա, իրականացնել աշխատելաոճի կայուն բարելավում և ապահովել ոլորտի ներկայացուցիչների համար արդար և հավասար մրցակցային պայմաններ։ Միությունը ջանքեր է գործադրում անվտանգ դեղերի հասանելություն ապահովելու ուղղությամբ, կազմակերպում է դասընթացներ դեղագործների, տեղական և օտարերկրյա արտադրողների համար, ինչպես նաև աջակցում է պետական մարմիններին համապատասխան նորմեր մշակելու և վերանայելու հարցերում։