Ֆրանսիացի գիտնականներն ապացուցել են թարմ լոլիկի՝ սառնարանում պահպանման կամ սառը վայրերում պահեստավորման անարդյունավետության փաստը: Այս մասին հաղորդում է Росбалт.ru-ն՝ հղում կատարելով Heart4ilfe-ին:

Դա պայմանավորված է նրանով, որ 10 °C-ից ցածր ջերմաստիճանի պարագայում լոլիկի բջջային մակարդակում կոտրվածքներ են առաջանում:

Ինչպես հայտնի է՝ լոլիկը բաղկացած է շաքարներից՝ գլյուկոզայից և ֆրուկտոզայից, թթուներից և այլ միացություններից: Լոլիկի բաղադրության մեջ առկա են ցնդող նյութերի խառնուրդներ, որոնք անուշ բույր են հաղորդում բանջարեղենին:

Հենց այդ նյութերը չեն հանդուրժում նման ցածր ջերմաստիճանային պայմաններ՝ ոչ միայն «սառչում» են, այլև՝ սկսում են մասնատվել, ինչի պատճառով լոլիկը կորցնում է իր հոտը, թարմությունը և համը, դառնում է մի տեսակ՝ խոտաբույսային:

Գիտնականները համեմատել են սառեցված և սովորական պայմաններում պահպանված լոլիկները և պարզել, որ տնային +20 °C ջերմաստիճանի դեպքում լոլիկի բաղադրության մեջ առկա ցնդող նյութերը ոչ միայն չեն մասնատվել, այլև՝ սկսել են ինտենսիվորեն ցրվել, ինչն այն առավել բուրավետ է դարձրել:
tert.am