Եվրոպայի Շնչառության ընկերակցության նախաձեռնությամբ անցկացված նոր հետազոտությունը ցույց է տվել, որ չնայած էլեկտրոնային ծխախոտը ներկայացվում է որպես տեսականորեն ավելի անվնաս այլընտրանք սովորական ծխախոտին, այնուամենայնիվ, այն ևս վնաս է առողջությանը, հաղորդում է Eurasia Review-ն:

Ընկերակցության նախաձեռնությամբ Աթենքի Համալսարանը հետազոտություն է անցկացրել էլեկտրոնային ծխախոտ օգտագործող 8՝ երբեք չծխած անձանց և 24 ծխողների շրջանում: Նրանցից ոմանք առողջական խնդիրներ բացարձակ չեն ունեցել:

Հետազոտության արդյունքները ներկայացվել են Վիեննայում՝ եվրոպական բժշկական ամենամյա գագաթաժողովի ժամանակ: Այս տվյալները նոր կռվան են դարձել՝ հօգուտ նիկոտին պարունակող այլընտրանքային ապրանքների ոչ անվնաս լինելու:

Էլեկտրոնային ծխախոտը նիկոտին է մատակարարում օրգանիզմին ոչ թե ծխի, այլ գոլորշու միջոցով: