Խիման Մուսսը և Միացյալ Նահանգների ու Եվրոպայի նրա գործընկերներն ուսումնասիրել են կրծքի քաղցկեղի համար սահմանված քիմիաթերապիայի ազդեցությունն օրգանիզմի վրա (anthracycline-ի միջոցով): Այս մասին հաղորդում է Meddaily-ն՝ հղում կատարելով Ремедиум-ին:

Վերլուծության են ենթարկվել կրծքի քաղցկեղի առաջին կամ երկրորդ փուլում գտնվող 33 կանանց բժշկական փաստաթղթերը և արյան նմուշները:

Գիտանականներին հետաքրքրել է բջիջների ծերացման մարկերների կոնցենտրացիան արյան մեջ:

Քիմիաթերապիայի ավարտից հետո և դրանից առնվազն՝ մեկ տարի անց նրանք T-lymphocytes-ներում p16INK4a և ARF սպիտակուցային մակարդակի աճ են արձանագրել: Սպիտակուցների բարձ մակարդակը պահպանվել էր նույնիսկ թերապայից 3-4 տարի անց:

Տվյալ սպիտակուցների բարձր մակարդակը բնորոշ է լեյկոցիտներում ծերացող բջիջների, ինչպես նաև՝ telomere-ների կրճատմանը (քրոմոսոմների վերջութային հատվածներում):

Այն ամրագրվում է նաև մոլագար ծխողների, նստակյաց ապրելակերպ վարող և իմունային անբավարարությամբ տառապող մարդկանց օրգանիզմում: Հետազոտողներն այսպիսով փաստել են, որ քիմիաթերապիան արագացնում է բջջիջների ծերացման գործընթացը:
tert.am