Т-լիմֆոցիտները կարող են նպաստել լյարդի քաղցկեղի բուժմանը` ոչնչացնելով Glypican-3 հակագենը: Ինչպես հայտնում է Газета.Ru-ն` այս մասին հայտարարվել է International Liver Congress-2014 կոնգրեսի ժամանակ:

Glypican-3-ը հակագեն է, որն արտադրվում է լյարդի քաղցկեղով տառապող մարդկանց օրգանիզմում (հեպատոցելյուլար կարցինոմա): Լյարդի ուսումնասիրությամբ զբաղվող եվրոպական ասոցիացիայի գիտնականները պարզել են, որ Т-լիմֆոցիտները, որոնք ապահովում են օտարածին բջիջների հայտնաբերումն ու ոչնչացումը, կարող են կիրառվել նաև Glypican-3 հակագենի ոչնչացման համար:

Հետազոտողների կարծիքով` Т-լիմֆոցիտների կիրառումը լյարդի քաղցկեղի դեմ պայքարում կարող է նպաստել այդ հիվանդության բուժման գործում էական առաջընթացին: