Դեղերի նկարագրություն
![Բացել](images/search_am.png)
Վարչապետը ՀՀ առողջապահության նախարարության աշխատակազմին ներկայացրեց նորանշանակ նախարարին
![Վարչապետը ՀՀ առողջապահության նախարարության աշխատակազմին ներկայացրեց նորանշանակ նախարարին Վարչապետը ՀՀ առողջապահության նախարարության աշխատակազմին ներկայացրեց նորանշանակ նախարարին](news/big/1398430311.jpg)
Վարչապետը նախ շնորհակալություն հայտնեց նախկին նախարար Դերենիկ Դումանյանին անցած տարիների ընթացքում կատարած արդյունավետ աշխատանքի համար` բարձր գնահատելով Ազգային ժողովի նախագահի պաշտոնում նրա հետ ծավալված համագործակցությունը: Կառավարության ղեկավարը վստահեցրեց, որ նրա գիտելիքներն ու փորձը ապագայում ևս կծառայեն մեր երկրի հետագա զարգացմանը:
«Արմեն Մուրադյանն առողջապահության կազմակերպիչ է, և համոզված եմ, որ փորձելու է անպայման իրականացնել իր առջև դրված խնդիրները: Այս ոլորտում մենք մեծ անելիքներ ունենք»,-ասաց վարչապետը` նշելով, որ առկա խնդիրները հաղթահարելու համար անհրաժեշտ են ժամանակ և ռեսուրսներ:
Վարչապետը շնորհավորեց Արմեն Մուրադյանին առողջապահության նախարարի պաշտոնը ստանձնելու կապակցությամբ և բեղմնավոր աշխատանք մաղթեց:
Դերենիկ Դումանյանը շնորհակալություն հայտնեց ՀՀ նախագահին և ՀՀ վարչապետին, ինչպես նաև նախարարության աշխատակազմին՝ համատեղ աշխատանքի համար և հաջողություն մաղթեց նորանշանակ նախարարին:
Նախարար Արմեն Մուրադյանը շնորհակալություն հայտնեց Հայաստանի Հանրապետության նախագահին և վարչապետին` ցուցաբերած վստահության համար և հավաստիացրեց, որ կաշխատի մեծ պատասխանատվությամբ իր առջև դրված խնդիրները կատարելու համար։
«Ես լիովին գիտակցում եմ, որ կառավարության այս կառույցի վրա դրված է մեր ազգաբնակչության համար չափազանց կարևոր առաքելություն` նրանց առողջության պահպանումը, բարձրորակ և մատչելի բժշկական ծառայությունների ապահովումը։ Վստահեցնում եմ, որ նախարարությունը կշարունակի իրականացնել հանրապետության նախագահի նախընտրական, ինչպես նաև կառավարության գործունեության ծրագրերն առողջապահության ոլորտում»,-ասաց Արմեն Մուրադյանը։