Գիտնականները կրծքագեղձի քաղցկեղի, մասնավորապես` դրա ագրեսիվ տեսակի դեմ պայքարի նոր տարբերակ են հայտնաբերել: Այս մասին հաղորդում է` Meddaily.ru-ն հղում կատարելով Zee News-ին:

Խոսքը քաղցկեղի HER2-դրական տեսակի մասին է, որն ախտորոշվում է յուրաքանչյուր 4-րդ հիվանդի մոտ:Այս տեսակի քաղցկեղի բջիջները մեծ քանակությամբ սպիտակուցային HER2 են արտազատում:

Ներկայում քաղցկեղի այդ տեսակը բուժվում է հերցեպտինի օգնությամբ, սակայն մի քանի տարվա ընթացքում այն կորցնում է իր ազդեցության ուժը, քանի որ քաղցկեղի բջիջները դրանց հանդեպ դիմադրողականություն են ձեռք բերում:

Սակայն պրոֆեսոր Նիկոլաս Տոնկսի գլխավորած թիմը տեղեկացրել է, որ իրենց հաջողվել է գտնել մեկ այլ սպիտակուցի (PTP1B)-ի արգելակման ճանապարհը, որի արտազատումը ևս առանձնանում է HER2-դրական տեսակի քաղցկեղից:

PTP1B-ն կարևոր դեր է խաղում ուռուցքների զարգացման գործում, որոնցում HER2-ի ազդանշանային ակտիվության շեղումներ են նկատվում: