Ամերիկացի գիտնականներն ուսումնասիրությունների արդյունքում հանգել են այն եզրակացությանը, որ բջջային հեռախոսները բացասաբար են ազդում տղամարդկանց վերարտադրողականության վրա։

Ինչպես նշում է korrespondent.net-ը, մասնագետների խոսքերով՝ տղամարդկանց վերարտադրողականության վրա հատկապես վատ է ազդում ռադիոհաճախականության էլեկտրամագնիսական ճառագայթումը։

Գիտնականնները նման եզրակացության են հանգել 10 հետազոտության արդյունքում, որոնց շրջանակներում ուսումնասիրվել է տղամարդկանց սերմնահեղուկի 1.500 նմուշ։ Նրանք պարզել են, որ էլեկտրամագնիսական ճառագայթումը բացասաբար է անդրադառնում սպերմատոզոիդների շարժունակության վրա՝ դրանք պակաս կենսունակ դարձնելով։

Ուստի գիտնականները կոչ են անում արական սեռի ներկայացուցիչներին հնարավորինս քիչ օգտվել բջջային հեռախոսներից ու ընդհանուր առմամբ դրանցից հեռու գտնվել։

Աղբյուրը հավելում է, որ ավելի վաղ պարզվել էր, որ ամսական 15 ժամից ավելի բջջայիններից օգտվելու դեպքում 3 անգամ ավելանում է ուղեղի քաղցկեղի առաջացման հավանականությունը։
tert.am