Ամերիկյան պաշտպանության հեռանկարային գիտահետազոտական ծրագրերի գործակալությունը (DARPA) պաշտոնական տեղեկություն է հրապարակել RAM (Restoring Active Memory—ակտիվ հիշողության վերականգնում) նախագծի մանրամասների մասին, որն ուղղված է վետերանների և վնասվածքների հետևանքով խանգարումներից տառապող բոլոր անձանց համար հիշողության պրոթեզներ ստեղծելուն:

Ինչպես գրում է Lenta.ru-ն՝ կազմակերպությունը տվյալ ծրագիրը գործարկել է 2014-ի փետրվարին: Հիշողությունը վերականգնող իմպլանտների մշակման վրա աշխատում է գիտնականների երկու խումբ: Այս նպատակին հասնելու համար Լոս Անջելեսի Կալիֆորնիայի համալսարանը 15 մլն դոլար կստանա, իսկ Փենսիլվանիա նահանգի համալսարանը՝ 22.5 մլն:

Առաջին փուլում հետազոտողները համակարգչային մոդելներ կկառուցեն, որոնք կցուցադրեն, թե ինչպես են նեյրոնները կոդավորում մարդկանց, վայրերի ու իրադարձությունների մասին հիշողությունները: Բացի այդ՝ գիտնականները կփորձեն ուղեղի հատվածների հիշողության համար պատասխանատու էկլեկտրախթանիչ նոր միջոցներ մշակել: Այնուհետև երկու խմբի գիտնականները կբաժանեն իրենց աշխատանքը: Կալիֆորնիացիներն իրենց ուժերը կկենտրոնացնեն կարճատև հիշողության ձևավորման համար պատասխանատու ոլորտում, իսկ Ֆիլադելֆիայում արդեն կաշխատեն հիվանդների տարբեր խմբերի հետ, որոնք նյարդավիրաբուժական միջամտության են ենթարկվել, և կփորձարկեն պատրաստի իմլանտները:
tert.am