Ամերիկացի գիտնականներին հաջողվել է ամբողջովին վերականգնել երեք տղամարդու գլխի մազածածկույթը, ովքեր տառապել են օջախային ալոպեցիայից, հայտնում է ՌԻԱ Նովոստին: Դա հաջողվել է ռուկսոլիտինիբի հաբերի միջոցով՝ մի միջոցի, որը սովորաբար օգտագործվում է ողնուղեղի հիվանդությունների բուժման համար:

Օջախային ալոպեցիան հիվանդություն է, որը հանգեցնում է գլխի մազերի մասնակի կամ ամբողջական կորստին և մինչ օրս դժվարությամբ է բուժվում:

Գիտափորձին մասնակցած տղամարդիկ կորցրել էին իրենց գլխի մազածածկույթի մեկ երրորդը, սակայն հինգ ամսվա ընթացքում ռուկսոլիտինիբի ամենօրյա չափաբաժնի ընդունումից հետո նրանց գլխին նորից մազեր են աճել:

Գիտնականներին մինչ այդ հաջողվել էր պարզել, թե իմունային կոնկրետ որ բջիջներն են պատասխանատու մազաթափության համար: Ըստ այդմ էլ Կոլումբիայի համալսարանի գիտնականները գիտափորձ էին կատարել նախ մկների վրա:

Գիտնականները հայտնել են, որ դեղամիջոցի հետագա հաջող փորձարկումը կարող է փոխել մազաթափությունից տառապող շատ մարդկանց կյանքի որակը:
tert.am