«Սուպեր սննդամթերք». այս տիտղոսին սննդաբաններն արժանացրել են նռանը՝ այն համարելով աշխարհի ամենաօգտակար սննդամթերքը։ Այն օգտակար է սրտի համար, իջեցնում է արյան ճնշումը, նվազեցնում խոլեստերինի քանակությունը։ Այս մասին գրում է «Մեդդեյլի. ռու»—ն։

Մի շարք ուսումնասիրություններ ցույց են տվել, որ նռան մեջ առկա հակաօքսիդանտ նյութերը կանխում են քաղցկեղի տարածումը, նույնիսկ սպանում են դրա բջիջները։ Իսկ ահա նռան հատիկները քիչ կալորիա են պարունակում, սակայն հարուստ են վիտամիններով։ Նման բաղադրությամբ սնունդը թույլ է տալիս կարգավորել քաշը։

Նուռը նաեւ թույլ է տալիս պահպանել մաշկը՝ պայքարելով կնճիռների առաջացման դեմ։ Սա եւս հակաօքսիդանտ նյութերի շնորհիվ է։ Այն ունի նաեւ հակաբակտերիալ հատկություն, ինչը ատամի խնդիրներ ունեցող մարդկանց համար անփոխարինելի է։