Բրազիլիան մտադիր է էբոլայի դեմ սեփական արտադրության պատվաստանյութ պատրաստել: Խոսքը կատաղության դեմ միջոցի հիման վրա ստեղծվելիք պատվաստանյութի մասին է: Այս մասին գրում է Ռիա Նովոստին:

Նշվում է, որ բրազիլական պատվաստանյութը տարբերվելու է Zmapp փորձնական դեղամիջոցից, որի պատրաստումը հոկտեմբերին ԱՄՆ իշխանությունները հանձնարարել էին կենսաբանական 3 լաբորատորիայի: Եթե ամերիկյան դեղամիջոցը նախատեսված է մարդու օրգանիզմի իմունային պաշտպանության բարձրացման, ապա բրազիլականը խթանում է հակամարմինների արտադրությունը:

ԱՀԿ նոյեմբերի 18-ի տվյալներով, էբոլա վարակից զոհերի թիվը կազմել է 5459 մարդ, ընդհանուր առմամբ արձանագրվել է վարակի 15 հազար 351 դեպք:

Աղբյուր` Panorama.am