Դեղագործական ընկերությունների ներկայացուցիչների հետ հերթական հանդիպման ընթացքում քննարկվեցին «Դեղերի մասին» ՀՀ նոր օրենքի նախագծում ամրագրված մի շարք դրույթներ: Հանգամանալից անդրադարձ կատարվեց դեղերի գների պետական կարգավորմանը:

Քննարկվեց նաև դեղերի հայերեն ներդիր թերթիկի ապահովման հարցը:

ՀՀ առողջապահության նախարար Արմեն Մուրադյանը կարևորեց նաև դեղերի ոլորտում սոցիալական ծրագրերի իրականացումը:

Նշվեց, որ դեղերի ոլորտում բարեփոխումներ իրականացնելիս առաջնային է որակի, անվտանգության, արդյունավետության և մատչելիության բոլոր ցուցանիշների ապահովումը:

«Դեղերի մասին» ՀՀ նոր օրենքի նախագծի հիմնարար մյուս սկզբունքները և դրույթները քննարկելու նպատակով` պայմանավորվածություն ձեռք բերվեց շարունակել հանդիպումները: