Գերմանիայի Դերզդեն քաղաքի հիվանդանոցներից մեկում բժիշկներին հաջողվել է վիրահատություններին ներգրավել ռոբոտ-վիրաբույժի, որի արժեքը կազմում է մոտ 2 միլիոն եվրո: Այս մասին գրում է «Bild» պարբերականը:

Տեղի Ուրոլոգիայի բաժանմունքի պրոֆեսոր Մանֆրեդ Վիրսն պարբերականի հետ զրույցում, այնուհանդերձ, ասել է, թե ռոբոտն ամբողջապես չի կարող փոխարինել մարդուն, քանի որ այն անհրաժեշտության դեպքում ի զորու չէ արագ արձագանքել:

Դրեզդենյան հիվանդանոցի նոր ռոբոտ-վիրաբույժը կրում է Da Vinci անվանումը: Այն ութոտնուկի տեսք ունի՝ չորս շոշափուկներով, որոնք հագեցած են բարձր տեխնոլոգիաներով ու շարժվում են միլիմետրային ճշգրտությամբ: Ռոբոտի գործողությունները կառավարվում է բժիշկների կողմից:

Պրոֆեսոր Վիրսն հայտնել է, թե ռոբոտ-վիրաբույժի օգնությամբ կենտրոնում արդեն իրականացվել է 6 վիրահատություն և բժիշկների ոգևորությունն օր օրի մեծանում է:

Նոր ռոբոտ-վիրաբույժի առավելությունը հիմնականում կայանում է նրանում, որ այն քիչ ցավ է պատճառում հիվանդներին: Ռոբոտի շոշափուկներին ամրակցված նուրբ գործիքները փոխարինում են անվանդական վիրահատական մկրատին և ասեղին: Բացի այդ, տեսախցիկով համալրված ռոբոտը էկրանին է փոխանցում եռաչափ բարձրորակ լուսանկարներ, ինչը հնարավորություն է տալիս ճշգրտորեն որոշել վիրահատման ենթակա հատվածը, ու կտրվածքի սահմանները: