Ինչպես հայտնում է Bloomberg գործակալությունը, բազմաֆունկցիոնալ օնլայն-վաճառքով զբաղվող Amazon ընկերությունը պատրաստվում է գնել ԱՄՆ խոշորագույն օնլայն-դեղատուն PillPack-ը: Գործարքի մանրամասներն առայժմ հայտնի չեն:

Ըստ www.cnbc.com կայքի, ապրիլին PillPack-ին փորձել էր գնել Amazon ընկերության մրցակից հանդիսացող Walmart-ը, ընդ որում, 1 մլրդ դոլարը չգերազանցող գումարով:

PillPack-ի անձնակազմը դեղերի ոլորտում նոու-հաու տեխնոլոգիական գիտելիքների հարուստ փորձառնություն ունի, հայտարարել է Amazon –ի սպառողական բիզնեսի տնօրեն Ջեֆ Ուիլքեն: Նաև ավելացրել է, որ PillPack-ը զգալիորեն բարելավում է իր հաճախորդների կյանքը:
«Մենք համոզված ենք, որ միասին, ժամանակի ընթացքում, կարող ենք նրանց համար անել ավելին»,-ասել է Ջեֆ Ուիլքեն:

PillPack-ի բիզնես-մոդելն ընդգրկում է դեղերի անհատական դեղատոմսով պատվերի, դրանց ճիշտ չափաբաժնի ընտրության, փաթեթավորման և առաքման բոլոր փուլերը: Հաճախորդները հիմնականում խրոնիկ հիվանդներն են (շաքարային դիաբետ, գիրություն, հիպերտոնիա):

2017թ վերջերին Forbes ամսագիրը PillPack ընկերությանը ներառել է միլիարդ-դոլարների հասույթ ունեցող ընկերությունների ցուցակում:
Դեռևս 2013թ հիմնադրված սկսնակ ընկերությունը, ներգրավել էր 118 մլն դոլարի ներդրումներ, իսկ արդեն 2017թ նրա տարեկան հասույթը գերազանցել էր 100 մլն դոլարը:

Դեռևս 2018թ սկզբին Amazon ընկերությունը, Ուորեն Բաֆեթին պատկանող Berkshire Hathaway հոլդինգը և JPMorgan բանկը հայտարարեցին առողջապահության ոլորտում համատեղ ընկերության ստեղծման մասին: Նպատակը առողջապահության ոլորտում ծախսերի նվազեցումն էր և ԱՄՆ աշխատողների համար ծառայության որակի բարելավումը:

Աղբյուր՝ www.vedomosti.ru
Պատրաստեց՝ Նարե Հարությունյանը