Ֆիզիկական կարողությունը նվազում է հասուն տարիքում՝ հանգեցնելով շարժունակության աստիճանաբար նվազմանը, առողջության վերականգնմանն ուղղված ծախսերի աճին, մահացությանը:
Բջիջների ծերացումը կյանքի ընթացքում նպաստում է հյուսվածքների կատարած գործառույթների խանգարմանը և ծերության նշանների ի հայտ գալուն:

Ամերիկյան գիտնականները փորձեր են կատարել երիտասարդ և հասուն տարիքի մկների վրա և համոզվել, որ նույնիսկ փոքր քանակի ծերացող բջիջների փոխպատվաստումն երիտասարդ մկների մեջ բավական է նրանց օրգանիզմում ֆիզիկական գործառույթների խախտում, ինչպես նաև հյուսվածքներում բջիջների ծերացում առաջացնելու համար: Ծերացող բջիջների քիչ քանակության փոխպատվաստումը տարիքով ավելի հասուն մկների մոտ նույն արդյունքն է տվել և ուղեկցվել է նրանց առողջական վիճակի վատթարացմամբ և գոյատևման նվազմամբ:

Պարզվել է, որ սենոլիտիկ (ծերությունը դանդաղեցնող դեղերի խումբ) կոկտեյլը, դազատինիբը և կվերցետինն օրգանիզմում առաջացնում են ծերացող բջիջների ընտրանքային վերացում և դրանց օգտագործումն աստիճանաբար նվազեցնում է ծերացող բջիջների քանակը: Մասնավորապես, նման բուժումից հետո դիտվել է գոյատևման աճ՝ 36%-ով և միաժամանակ մահացության ռիսկի նվազում՝ 65%-ով:

Պատրաստեց Նարե Հարությունյանը