Անգլիայի Scientific Reports ամսագրում տպագրված նոր հետազոտությունն ուսումնասիրել և ընդգծել է կանոնավոր քնի կարևորությունը սրտի օպտիմալ վիճակի և նյութափոխանակության կարգավորման համար:
Առողջության պահպանման համար շատ կարևոր է ունենալ քնի կարգավորված ռեժիմ, այն է քնել և արթնանալ նույն ժամերին կամ վերահսկել դրանց միջև ընկած ժամային տարբերությունները:
Վերահսկումը կարևոր է նաև շաբաթվա վերջում, հանգստյան օրերին, երբ պետք է առնվազն հետևել խախտման մինիմալացմանը:
Խախտված քունը կարող է բարձրացնել սրտային հիվանդությունների առաջացման ռիսկը, հանգեցնել գիրացման, առաջացնել շաքարային դիաբետ:
Ուսումնասիրությունն արվել է Հյուսիսային Կառոլինայի Դուրամի Duke University Medical Center-ի կողմից և կրկին անգամ հաստատել, որ կանոնավոր քունը սրտի և նյութափոխանակության կամ մետաբոլիզմի գործառույթների լավ կատարման բանալին է:
Պատրաստեց
Նարե Հարությունյանը