Առողջապահության համաշխարհային կազմակերպությունը (ԱՀԿ) ամանորյա տոների նախաշեմին հիշեցրել Է ճիշտ սնվելու մասին: Կազմակերպությունն իր կայքում զետեղել Է հանձնարարականներ, որոնք կօգնեն նվազեցնելու առողջության հետ կապված տհաճությունների վտանգը տոնական առատ կերուխումերից հետո:


Թեեւ առողջ սննդակարգի բաղադրությունը կախված Է շատ գործոններից, այդ թվում՝ մարդկանց տարիքից, նրանց ակտիվությունից եւ այն տեղանքի սննդից, որտեղ նրանք ապրում են, այնուամենայնիվ, ինչպես ընդգծում Է ԱՀԿ-ն, բոլոր մշակույթներում կան «որոշակի ընդհանուր խորհուրդներ, որոնք մեզ օգնում են ավելի առողջ եւ երկարատեւ կյանք ապրել»:


Ահա դրանք. սնունդը պետք Է լինի բազմազան, հարկ Է նվազեցնել աղի, շաքարի եւ որոշ տեսակի ճարպերի գործածումը, խուսափել ալկոհոլի վնասակար ներգործությունից: Խոսելով ոգլից խմիչքների մասին՝ ԱՀԿ-ի փորձագետները հարկ են համարել հիշեցնել, որ այն «առողջ սննդակարգի մաս չԷ», սակայն «շատ մշակույթներում ամանորյա տոնակատարությունները զուգորդվում են մեծ քանակությամբ ալկոհոլի օգտագործման հետ»: Ամբողջությամբ վերցված, չափից դուրս կամ հաճախակի խմելը մեծացնում Է վնասվածքներ ստանալու վտանգը, իսկ երկարաժամկետ առումով քայքայում Է լյարդը, առաջացնում ուռուցքաբանական, սիրտ-անոթային եւ հոգեկան հիվանդություններ: Ուստի փորձագետները հայտարարում են. «Ալկոհոլի որեւիցե անվտանգ բաժնաչափ չկա, եւ շատ մարդկանց համար գործածության նույնիսկ ոչ մեծ մակարդակը հղի Է լուրջ վտանգով: Հիշե՛ք. որքան քիչ ալկոհոլ, այնքան լավ, իսկ բնավ չխմելը պարզապես հիանալի Է»: