Դեղերի նկարագրություն
Դ. Դումանյան. «Մայրության և մանկության առողջության պահպանման խնդիրները պետության հովանու ներքո են»
ՀՀ առողջապահության նախարար Դերենիկ Դումանյանն այսօր մասնակցեց պերինատալ բժշկության արդի հիմնախնդիրներին նվիրված միջազգային գիտաժողովին։Ինչպես հայտնում է Հայաստանի Հանրապետության Առողջապահության նախարարության պաշտոնական կայքը, բժշկության համեմատաբար երիտասարդ ու հեռանկարային այս ճյուղին նվիրված գիտաժողովին մասնակցում էին ինչպես մեր երկրի հարյուրավոր մասնագետներ, այնպես էլ միջազգային մեծ ճանաչում ունեցող շատ գիտնականներ և պրակտիկ բժիշկներ։ Նրանց թվում էին մանկաբարձ-գինեկոլոգների միջազգային ասոցիացիայի (ՖԻԳՈ)-ի քարտուղար, պրոֆեսոր Ժան Կարլո Դե Ռենցոն, ԱՄՆ-ի Կորնելի հանրահայտ բժշկական համալսարանի մանկաբարձության և գինեկոլոգիայի ամբիոնի վարիչ, պրոֆեսոր Ֆրենկ Չերվենակը, Մոսկվայի Սեչենովի անվան առաջին բժշկական համալսարանի մանկաբարձության և գինեկոլոգիայի ամբիոնի վարիչ, պրոֆեսոր Ալեքսանդր Մակացարիան, նույն ամբիոնի պրոֆեսոր Վիկտորիա Բիցաձեն և ուրիշներ:
