Նրանց միավորում է բուսական ծագման օրգանական միացություններ հանդիսացող պոլիֆենոլների բարձր պարունակությունը, իսկ պոլիֆենոլները հզոր բնական հակաօքսիդանտներ են, որոնց կենսաբանական գործողությունը հիմնված է օրգանիզմում օքսիդացման գործընթացներն ազատ ռադիկալների չեզոքացման ուղիով մեկուսացնելու վրա:

Այդ մթերքների հակաքաղցկեղային արդյունքը, որն ավելի վաղ երևացել էր լաբորատր հետազոտությունների ընթացքում, առաջին անգամ գիտական հաստատում ստացավ կլինիկական հետազոտության ժամանակ, որն իրականացրել է Քեմբրիջի համալսարանի ուռուցքաբանների խումբը` պրոֆեսոր Ռոբերտ Թոմասի գլխավորությամբ: Ինչպես հաղորդում է «Medical News Today»-ը, հետազոտության արդյունքները ներկայացվել էին Կլինիկական ուռուցքաբանության ամերիկյան ընկերության ամենամյա կոնֆերանսին:

Մի քանի տարի տևած փորձարկումներին մասնակցել է շագանակագեղձի քաղցկեղով 203 հիվանդ: Նրանց կեսը ստացել է բրիտանացի մասնագետների մշակած Romi-T պատիճները` նռան էքստրակտով, կանաչ թեյով, քրքումով ու բրոկկոլիով, իսկ մյուս կեսը ստացել է` պլացեբո: Եվ պարզվել է, որ Romi-T պատիճները ստացած հիվանդների մոտ ուռուցքային մարկերի մակարդակը հետազոտության ամբողջ ընթացքում (միջինով) 63% ցածր է եղել, քան պլացեբո ստացածների մոտ: Դեղապատրաստուկից չի դիտվել ոչ մի կողմնակի ազդեցություն:

Պրոֆեսոր Ռոբերտ Թոմասն ասել է, որ սսնդակարգում ամեն օր նշված մթերքների կանոնավոր օգտագործման դեպքում տղամարդը կարող է զերծ մնալ ոչ միայն շագանակագեղձի քաղցկեղի առաջացման վտանգից,, այլ նաև կանխարգելել այդ հիվանդության առաջացմանը…