Բրիտանական Կոլումբիայի համալսարանն զգուշացնում է, որ ստատինների բարձր չափաբաժինը, որը նվազեցնում է խոլեստերինի ցուցանիշը, բարձրացնում է շաքարախտի առաջացման ռիսկային գործոնը: Այս մասին հաղորդում է Meddaily.ru-ն՝ հղում կատարելով Remedium-ին:

Մասնագետները նման եզրահանգման են եկել 137.000 հիվանդների՝ ավելի քան 40 տարի հետազոտելու արդյունքում:

Ուսումնասիրության բոլոր մասնակիցները ստատիններ են օգտագործել 1997 թվականի հունվարի 1-ից մինչև 2011 թվականի մարտի 31-ը: Ստատինները նշանակվել են ինսուլտի կամ սրտի կաթվածի ախտորոշման հետևանքով հոսպիտալացումից անմիջապես հետո:

Հոսպիտալացման ժամանակ հիվանդներից ոչ մեկի մոտ շաքարախտ չէր ախտորոշվել, սակայն 2 տարի անց 3600 հիվանդի մոտ շաքարախտ է առաջացել:

Ստատինների բարձր չափաբաժին է համարվում օրական ավելի քան 10 միլիգրամը, ավելի քան 20 միլիգրամ ատորվաստատինը և ավելի քան 40 միլիգրամ սիմվաստատինը:
tert.am