Մարդիկ, ովքեր ինսուլտ են տարել, կարող են արագ վերականգնվել, եթե զբաղվեն երաժշտությամբ: Հետազոտողները պնդել են, որ երաժշտությամբ զբաղվելը օգնում է այն դեպքերում, երբ վնասված է գլխուղեղի մի մասը, գրել է «The Daily Mail»-ը: Լոնդոնի համալսարանում փորձն իրականացրել են երկու հիվանդների վրա` նրանց սովորեցնելով նվագել քսիլոֆոնի վրա և դրական արդյունք նկատել չորս դաս հետո:

Ապագայում սպասվում է, որ հետազոտությունը կփորձեն մեծաթիվ հիվանդների վրա` այդպիսով փորձելով այնպես անել, որ երաժշտական գործիքների վրա նվագելը դառնա սովորական երևույթ առօրյա կյանքում` կյանքի որակը բարձրացնելու համար:
Panorama.am