Քաշի նվազման դեմ պայքարող՝ որպես DNP հայտնի Dinitrophenol-ը վտանգավոր է. փաստում է վիճակագրությունը: Այդ դեղամիջոցից 2007 թվականին միայն Մեծ Բրիտանիայում 5 մարդ է մահացել: Այս մասին հաղորդում է Meddaily.ru-ն՝ հղում կատարելով Reuters-ին:

DNP-ն սինթետիկ միացություն է, որը ժամանակին կիրառվել է փայտի պահպանման համար արտադրվող ներկերի, քիմիական նյութերի, ինչպես նաև՝ պայթուցիկների և պեստիցիդների արտադրության մեջ:

DNP-ն ակտիվորեն օգտագործում են ֆիթնեսով և բոդիբիլդինգով լրջորեն զբաղվող և ճարպերն արագ այրել ցանկացող մարդիկ:

Միացությունը թույլ չի տալիս, որ էներգիան ճարպի վերածվի, այն դուրս է գալիս մարմնից ջերմության հետ, սակայն մարմնի ջերմաստիճանի բարձրացման հետևանքով հնարավոր է՝ մկանային, երիկամների և ուղեղի բջիջների լուրջ խնդիրներ առաջանան:

Կողմնակի բարդություններն արտահայտվում են մաշկի գույնի կորստի, ցանի, հևոցի, որովայնային ցավերի, գլխացավի և այլ անհանգստությունների տեսքով:
tert.am