Դեղերի նկարագրություն
Ուսանողները արտադրական պրակտիկա կանցնեն ԴԱՆ Միության անդամ դեղագործական կազմակերպություններում
Հայաստանի պետական ճարտարագիտական համալսարանի, Հայաստանի դեղ արտադրողների եւ ներմուծողների Միության եւ «Ջի Էքս Պի» Գերազանցության Կենտրոնի ներկայացուցիչների միջեւ նոյեմբերի 29-ին ստորագրվել է համագործակցության հուշագիր։Համագործակցության հուշագիրը նպատակ ունի էլ ավելի ամրապնդել Հայաստանի պետական ճարտարագիտական համալսարանի, «Ջի Էքս Պի» Գերազանցության Կենտրոնի եւ ԴԱՆ Միության միջեւ նկատելի գործակցությունը։
Հուշագիրը նպատակ ունի նպաստելու ԴԱՆ Միության անդամ դեղագործական կազմակերպություններում ուսանողների արտադրական պրակտիկայի անցկացմանը, ԴԱՆ Միության ինտերնետային կայքում երիտասարդ մասնագետների տվյալների բազայում ուսանողների ինքնակենսագրականների տեղադրմանը, Եվրոպական միության պատշաճ գործունեության չափանիշների վերաբերյալ համապատասխան մասնագիտական վերապատրաստման դասընթացների անցկացմանը «Ջի Էքս Պի» Գերազանցության Կենտրոնում, երեք կառույցների միջեւ համագործակցությանը՝ գիտահետազոտական աշխատանքների եւ տարբեր ուսումնասիրությունների անցկացման գործընթացներում, միջազգային հեղինակավոր բուհերի եւ գիտական կենտրոնների հետ կապերի հաստատմանը եւ համագործակցության զարգացմանը, երեք կազմակերպությունների մասնագետների գիտական հոդվածների եւ հետազոտությունների տպագրությանը ԴԱՆ Միության «Ֆարմա» դեղագործական գիտագործնական հանդեսում:
Համագործակցության հուշագրով նախատեսված ծրագրերի իրականացման շրջանակներում կողմերը ամրագրում են փոխադարձ պարտավորություններ ու գործողություններ:
