Դեղերի նկարագրություն

Հայաստանում դեղերի ներմուծման ոլորտում մենաշնորհ չկա. ԴԱՆ միության ղեկավար

Սամվել Զաքարյանի խոսքով, Հայաստանում դեղ ներմուծող 43 ընկերություն է գրանցված եւ նրանցից յուրաքանչյուրը պայմանագրեր ունի տարբեր արտադրողների հետ: «Եթե «Նատալի Ֆարմ» ընկերությունը պայմանագիր ունի Տամիֆլյուի արտադրողի հետ, ինքն է ներմուծում այդ դեղամիջոցը», - ասել է նա` հավելելով, որ «Նատալի Ֆարմ» եւ «Ալֆա ֆարմ» ընկերությունները այդ ոլորտում մենաշնորհատերեր չեն, այլ խոշոր ներմուծողներ:
Նա նշել է, որ որեւէ փոքրիկ ընկերություն կարող է պայմանագիր ունենալ մի արտադրողի հետ եւ ներմուծել մեկ կամ մի քանի անուն դեղամիջոց, որոնք չունի «Նատալի Ֆարմը», եւ կարող է այդ դեղն իրացնել «Նատալի Ֆարմ» դեղատների ցանցի միջոցով: «Այսպիսով Հայաստանում դեղերի ներմուծման ոլորտում մենաշնորհ չկա», - դարձյալ նշել է նա: